АБРАЗИОН ТЕРРАСА — абразия натижасида ҳосил бўлган денгиз тубининг соҳил қисми. Абразион террасанинг кўндаланг кесими қавариқ эгри чизиқдан иборат бўлиб, қирғоқда қиялиги кам. Қадимги Абразион терраса кўмилган (сув остида қолган) ёки денгиз сатҳидан кўтарилган бўлади. Бир неча кўтарилган Абразион терраса мажмуи террасаланган текисликларни ҳосил қилади.