АГРОИҚЛИМ ХАРИТАСИ — қ. х. маҳсулотларини етиштириш жараёнида иқлим шароитлари ва уларнинг ўзаро муносабатини ифодаловчи харита. А. х. да муайян ҳудуднинг агроиқлим мажмуаси, айрим экинларнинг кўкариши учун зарур иқлим шароити, қ. х. да муҳим аҳамиятга эга бўлган айрим иқлим шароити, мас, фаол т-ра йиғиндиси, тупроқдаги фойдали нам миқдори; қ. х. учун хавфли иқлим ҳодисалари, ўсимликнинг ўсув даври, қ. х. ишларини ўтказиш муддатлари ва б. кўрсатилади.