АҲМЕДОВА Назира (1913.5.6, Наманган — 1964.25.2, Тошкент) — ўзбек опера хонандаси (лирик-колоратурали сопрано). Ўзбекистон халқ артиста (1951). Москва ўзбек опера студияси (1927—30) да таълим олган. Ўзбек ишчиёшлар театри (1930), Ҳамза театри (1931) артис-ти. Ўзбекистон радио қўмитаси (1932), Ўзбек мусиқа театри (1935 — 39), Навоий театри (1939-64) якка хонандаси. Ўзбек, қардош халқлар опералари ва чет эл ҳамда рус классик операларида 20 дан ортиқ роллар ижро этган: Норгул, Нодира (С. Василенко, М. Ашрафий, «Бўрон», 1939 — 43, «Буюк канал», 1941), Тана (Е. Брусиловский, «Эр Тарғин», 1939— 43), Асал, Лайли (Р. Глиэр, Т. Содиқов, «Гулсара», 1949—54, «Лайли ва Мажнун», 1954-58), Микаэла (Ж. Визе, «Кармен», 1944—47) ва б. Қатор ўзбек халқ қўшиқлари ва композиторларнинг романслари (Д. Зокиров, «Курмадим», М. Бурҳонов, «Ишқида», Т. Содиқов, «Сарвигул»)ни маҳорат билан ижро этган.