АКБАРОВ Илёс Акбарович

АКБАРОВ Илёс Акбарович (1909.5.5, Тошкент) — ўзбек мусиқашуноси. Биринчи ўзбек мусиқа фольклоршуносларидан. Ўзбекистонда хизмат кўрсатган санъат арбоби (1956). Санъатшунослик ин-тида илмий ходим (1932—39), директор (1943—48), «Ўздавнашр»да мусиқа бўлимининг мудири (1934—40), Тошкент мусиқа билим юрти (1930—42), Тошкент давлат консерваторияси (1943 й. дан)да ўқитувчи, мусиқа назарияси кафедраси мудири (1963—90), проф. (1979 й. дан). Фарғона водийси ва Хоразм вилоятларида ўзбек ва уйгур халқ куйларини тўплаб, айримларини нашр эттирган: «Ўзбек ашулалари» (М., 1934, Ҳ. Муҳамедова б-н ҳамкорликда), «30 ашула» (М., 1935), «Ўзбек халқ қўшиклари» (Т., 1939), «Муқимий ва Фурқат ашулалари» (Т., 1959) ва б. Илк ўзбек болалар қўшиклари («Биз куйлаймиз», Т., 1939), «Мусиқа луғати» (Т., 1987, 2-нашри —1997), дарслик ва услубий қўлланмалар муаллифи. «Эл-юрт ҳурмати» ордени билан мукофотланган (2000).

Prev Article

АКАНТ

Next Article

АКВАНИТЛАР