АКРАМОВ Рустам Акрамович

АКРАМОВ Рустам Акрамович (1948.11.8, Тошкент вилояти, Янгибозор шаҳарчаси) — футболчилар мураббийси, Ўзбекистонда хизмат кўрсатган спорт устози (1994). «Политотдел», АСК (Тошкент), «Пахтакор» футбол жамоаларида ўйнаган (1967—73). АСК (Тошкент), MACK (Москва) болалар жамоалари мураббийси (1974—76), Ўзбекистон давлат жисмоний тарбия ин-ти футбол кафедраси мудири (1978—87), доцент (1984). Жазоирнинг «Юсма» жамоаси (1988—92), «Пахтакор» (1994) ва Ўзбекистон миллий футбол терма жамоалари бош мураббийси (1992—95). Унинг раҳбарлигида Ўзбекистон футбол терма жамоаси 12Осиё ўйинларида қитъа чемпиони бўлди. (1994, Хиросима). А. Жаҳон футбол федерацияси — ФИФА мураббийлар академиясини битиргач (1994), Ҳиндистон миллий ва олимпия терма жамоаларининг бош мураббийси (1995—96). Осиё футбол конфедерациясининг техник директори (1998 й. дан). «Шуҳрат» медали б-н тақдирланган (1994).

Loading...