АЛАК — арқоғи ва танда ипи ярим пишитилган ипдан тўқилган мато, дастаки дастгоҳ (қўл дўкон)да турли рангда йўл-йўл қилиб тайёрланган. Алакдан тўн, кўрпа ва кўрпача тиқилган. Алакнинг гуллари йўл-йўл бўлганидан қалами, баъзи ингичка йўллилари эса зевак деб номланган. Алак ўтмишда кенг тарқалган, айниқса, Фарғона водийси, Самарқанд ва Қашқадарё вилоятларида кўплаб тўқилган, чет мамлакатларга ҳам чиқарилган.