АЛАМБАРДОР МАҚБАРАСИ — Туркманистондаги меъморий ёдгорлик (11-а.). Сомонийлар сулоласидан Мунтасир (1005 й. вафот этган) дафн қилинган деб тахмин этилади. Мақбара пештоқ гумбазли, бир хонали, мурабба тархли (10,35×10,35 м), деворлари қалин, гумбаз ости бағалларига ғиштлар мавжли шаклда терилган. Бош тарзи уч қисмга бўлинган. Ўртадаги чуқур равокли пештоқ ва икки ёнидаги ясси равоқда ғиштлар нақш ҳосил қилиб терилган.