АНАЛИТИК ТАРОЗИ — моддаларни аниқ тортадиган нозиқ тарози; кимёвий анализларда ишлатилади. Аналитик тарозида оғирлиги 2 г дан 200 г гача бўлган моддалар 0,04 мг гача аниқликда тортилади. Аналитик тарозининг тўлиқ аналитик (100—500 г ли, 1—5 мг аниқликда тортадиган), ярим микроаналитик (20—50 г ли, 0,2—0,25 мг аниқликда), микроаналитик (20—30 г ли, 0,01 мг аниқликда), пробирка (1—2 мг ли, 0,04 мг аниқликда); тенг елкали ва бир елкали хиллари бор. Бир елкалида посанги бўлади. Кўпинча, тенг елкали ва икки паллали Аналитик тарози ишлатилади. Аналитик тарозини чанг, шамол, киши нафасидан сакдаш учун у ойнали шкаф ичига ўрнатилади.