АРТОН, Аббат Артон — олхўри нави. Ватани Франция. Дарахти ўртача катталикда, тарвақайламай тикроқ ўсади. Барги ўртача, наштарсимон. Гули оқ. Ўзидан чангланади. Меваси йирик (45 —55 г), тухумсимон, сирти силлиқ, усти ғубор билан қопланган, бинафша-қизил рангда. Эти сариқ, қалин, жуда ширин. Эти данагидан яхши ажралади. Қурғоқчиликка чидами ўртача. Суғориладиган майдонларда яхши ҳосил беради. Кўчати эқилганидан кейин 5 — 6 – йили ҳосилга киради. 10 ёшида ҳар тупи 50 кг гача ҳосил беради. Зараркунанда ва касалликларга чидамли нав. Апр. ўрталарида гуллайди. Навнинг эртаги, ўртаги, кечки клонлари мавжуд (июль охири — сент. бошида пишади). Ҳўллигида истеъмол этилади, асосан, қоқи солишга мўлжалланган. Самарқанд, Тошкент вилоятларида куп экилади.