АРТРОЛОГИЯ

АРТРОЛОГИЯ (юн. arthron — бўғим ва… логия) — бўғим ва унинг касалликларини ўрганадиган фан. Ички касалликларнинг бир бўлими. Бўғимлар физиологияси, патологияси тўғрисидаги билимлар ривожланиши туфайли Артрология алоҳида фан сифатида ички касалликлардан ажралиб чиқди. У бўғим касалликларининг келиб чиқиши, ривожланиши ва клиник кўринишини ўрганади ҳамда уларни даволаш ва олдини олиш усулларини ишлаб чиқади.