АРХАНГЕЛЬСКИЙ Андрей Дмитриевич

АРХАНГЕЛЬСКИЙ Андрей Дмитриевич (1879.8.12. – 1940.16.6) — геолог олим, Москвалик тектонист олимлар илмий мактабининг асосчиси, акад. (1929). МДУда (1920-32) ва Кончилик академиясида (1924 — 32) проф. Геология и. т. институти директори (1934 — 39). Асосий илмий ишлари стратиграфия, литология, тектоника, палеогеография муаммоларига бағишланган. Архангельскийнинг «Орол денгизи қирғоқларининг қазилма фаунаси» (1909), «Туркистоннинг юқори бўр ётқизиқлари» (1916) каби асарларида Ўрта Осиёдаги юқори бўр жинсларининг стратиграфик схемаларига асос солинган, палеогеографик реконструкция методикаси янада ривожлантирилган. И. М. Губкин билан биргаликда Курск магнит аномалиясини ўрганишда иштирок этган (1916 — 26). Амударё этакларида текширишлар ўтказган (1919 — 31). Жан., Ғарбий Ўзбекистондаги ҳамда Фарғона водийсидаги нефтли р-нларни ва олтингугурт конларини тадқиқ қилиб, бу р-нларда нефть ҳамда газ топилиши мумкин деган хулосага келган.

Prev Article

АРФА