АСҚАРОВ Аҳмадали (1935.25.9, Наманган вилояти, Учтепа қишлоғи) — археолог-тарихчи олим. Ўзбекистон ФА акад. (1987), Ўзбекистонда хизмат кўрсатган фан арбоби (1995), тарих фанлари д-ри (1978), проф. (1990). Тошкент давлат педагогика ин-тини тугатган (1957), Ўзбекистон ФА Археология ин-ти директори (1970 — 80; 1983-87), Ўзбекистон ФА Тарих ин-тининг директори (1991 — 95), Академиянинг тарих, тилшунослик ва адабиётшунослик бўлимининг акад.-котиби (1987-92), раиси (1994-98). Асосий илмий ишлари Ўрта Осиёда сақланиб қолган моддиймаданият ёдгорликларини очиш ва уларда археологик тадқиқотлар ўтказиш йўли б-н Ўзбекистон тарихини ўрганишга бағишланган. Ўзбекистон Республикаси халқ депутати (1990—95). Беруний номидаги Ўзбекистон Давлат мукофоти лауреати (1985).