АВСТРАЛИЯ МЕРИНОСИ — майин жунли қўй зоти. 18-а. да Австралияда олинган. Австралия мериноси қўчқорларининг ўртача вазни 60—70 кг, совликдариники 35 — 40 кг, қўчқорларидан 5,5—6,5 кг, совлиқларидан 4—5 кг жун қирқиб олинади. 50—60% тоза жун чиқади. Жун толасининг уз — 7,5 см (айрим типларида 10 см гача), ингичка, ялтироқ, ундан майин мато тўқилади. Кўп мамлакатларда Австралия мериносидан қўй зотларини яхшилашда фойдаланилади. Ўзбекистонда боқиладиган грознен куй зоти Австралия мериноси билан чатиштиришдан олинган.