АЁЗКЎЛ — Султон Увайс тоғларининг шарқий этагидаги кўл. Аёз қалъа баландлиги (170 м) ва Кўкча баландлиги (169 м) оралиғида. Мутлақ бал. 91 м. Тўрткўл ва Элликқалъа туманларидан қайтган зовур сувлари ҳисобига 80-й. ларнинг бошларида вужудга келган. Уз. 20—25 км, эни 4 км, ўртача чуқ. 1,5—2 м. Қирғоқлари ва кўлнинг бир қисми қамишзорлар билан банд. Суви тиниқ, минераллашув даражаси 1 л сувда ўртача 10—12 г ва ундан ортиқ. Балиқчиликда фойдаланилади.