БАРГАК — данаги олиниб қуритилган ўрик қоқи. Б. нинг қайса, кесилган, бўлинган, дудланмаган хиллари бор. Қайса Б. данаги чиқариб олинган ўрикни олтингугурт билан дудлаб тайёрланади. Пичокда икки паллага бўлиниб, данаги ажратиб олинган ўрикни олтингугуртда дудлаб тайёрланган Баргак кесилган Баргак дейилади. Бўлинган Баргак тайёрлаш учун ўрик қўлда икки паллага ажратилиб, данаги олинади, сўнгра дудлаб қуритилади. Қуритишга тайёрланган ўриклар патнисларга терилиб, махсус шкафда 1,5 — 2 соат дудланади, сўнгра офтобда қуритилади. 100 кг ўрикни дудлаш учун 150 — 250 г олтингугурт сарфланади. Дудланмаган Баргак ўрик данаги ажратиб олиниб, дудламасдан офтобда қуритилади. Баргакнинг таркибида 55 — 85% канд, 1,5 — 4,5% кислота бўлади.