БЕРЛИН КОНГРЕССИ (1878) Берлинда чақирилган халқаро конгресс. Унда Буюк Британия, АвстрияВенгрия, Россия, Германия, Франция, Италия ва Туркия катнашган. Болкрнда йирик славян давлати — Болгариянинг пайдо бўлиши ва у ерда Россия мавқеининг ошиши АвстрияВенгрия ва Англияга мақбул бўлмади. Шунинг учун ҳам конгресс АвстрияВенгрия ва Англия ташаббуси билан чақирилди. РоссияТуркия урушида заифланган ҳамда Германия томонидан қўллаб-қувватланмаган Россия конгресс чақирилишига рози бўлди. Буюк давлат вакиллари томонидан конгреседа имзоланган Берлин трактати (битими) (1878 й. 13.7) Россия манфаатларига зид эди. Битимга мувофиқ, Болгария Туркиянинг автоном ўлкаси, деб эълон қилинди. Черногорияга тегишли қирғоқлар эса АвстрияВенгрия назорати остига олинди. Черногория, Сербия ва Руминия мустақил давлатлар бўлмб қолди. Ботуми, Каре, Ардахон Россияга ўтди, Ботуми барча давлатларнинг савдо кемалари учун очиқ порт деб эълон қилинди. Берлин конгресси трактати Болқон урушларигача (1912—13) ўз кучини сақдади.