БЕТОН ЁТҚИЗГИЧ (мелиорацияда) — канал туби, нишаблари ва кирғоқлари, дамба усти ва б. жойларга бетон қрришмасини ёйиш, текислаш ва зичлаш учун мулжалланган машина. Мелиорация Б. ё. лари бункерли ва бункерсиз бўлади; вазифасига кўра тўлиқмас профилли (бир утишда нишабларнинг ўзини ёки канал тубининг бир қисми билан нишабларни бетонлайдиган) ҳамда тўлиқ профилли (бир ўтишда каналнинг ҳам тубини, ҳам нишабларини бетонлайдиган); юриш жиҳозининг хилига кўра канал туби ва қирғокларига ётқизилган рельеларда ҳаракатланадиган; канал туби ва нишаблари сиртидаги сирпанма таянч сиртлар буйлаб сирпанадиган (сирпанма қолиплар); занжирли, узиюрар, тиркама ваканат тортқили (лебёдка ёрдамида ҳаракатланадиган) хилларга бўлинади. Бункерли Бетон ётқизгич бетонни кундалангига ётқизадиган (позицион ишлайдиган) ҳамда бўйламасига (ҳаракатлана туриб) ётқизадиган хилларга бўлинади. Биринчисида Бетон ётқизгич канал бўйлаб ҳаракатланиб, бетон қоришмаси олиш учун тўхтайди ва иш органи канал ўқига перпендикуляр текисликда ҳаракатланаётганда бетон қоришмасини ётқизади. Иккинчисида машина канал бўйлаб ҳаракатланаётган вақтда бетон ётқизади, бункерига бетон қоришмасини олиш учун тўхтайди ёки юриб кетаётганда ҳам бетон олаверади. Иш унумдорлиги — 30 м3Ғсоатгача, ҳаракатланиш тезлиги — 92 м/соатгача.