БЭТСОН, Бейтсон (Bateson) Уильям (1861.8.8, Уитби1926.8.2, Мертон) — инглиз биологи, генетика асосчиларидан бири. «Генетика» атамасини ҳам Бэтсон таклиф этган (1907). Кембриж унти проф. (1908—10). Илмий ишлари чоғиштирма анатомия ва ирсият масалаларига оид. «Борлиқ — йўқлик» назариясини илгари сурган (1905). Бу назарияда у организмларда уларнинг ривожланишини тормозлаб қўядиган омиллар йўқолиши билан янги белгилар пайдо бўлишини тушунтириб беришга ҳаракат қилган. 1910 й. да Англия генетик жур. ни ташкил этган.