БИОЛАБОРАТОРИЯ, биологик лаборатория (қишлоқ хўжалигида) ~қ. х. экинларини зараркунанда ҳашаротлардан, касаллик, бегона ўтлардан биологик усулда ҳимоя қилишни амалга оширадиган ва назорат қилиб турадиган муассаса. Вилоят ишлаб чикариш Биолабораторияси ва хўжалик Б. лари мавжуд. Ўзбекистонда қ. х. га хизмат кўрсатадиган 700 дан ортиқ Биолаборатория бор (2000). Бу Б. ларда энтомофаглар (тангақанотлилар тухумининг паразити — трихограмма, ғўза тунлами қуртининг паразити— бракон, комсток червецининг паразити— псевдафикус, шумгия фитофаги — ф-томиза пашшаси ва б.) кўпайтирилади ҳамда ғўза ва бошқа қ. х. экинлари зараркунандаларига қарши қўлланилади. Сабзавотчилик хўжаликларидаги и. ч. Б. сида иссиқхона оққанотига қарши қўлланиладиган энтомопатоген замбуруғ—ашерсония етиштирилади. Бундан ташқари Б. ўсимликларни ҳимоя қилишда бошқа биологик воситалардан, мас, микробиологик препаратпар— денробациллин, энтобактерин ва б. дан ҳам фойдаланади. ЎзР Қишлоқ ва сув хўжалиги вазирлиги ҳузуридаги Ўсимликларни ҳимоя қилиш ва агрокимёвий тадқиқотлар Маркази реепубликадаги Биолабораторияга илмийметодик раҳбарлик қилади.