БОБОҚУЛОВ

БОБОҚУЛОВ Аҳмад (1931.17.1 Душанба—1990.25.5) — тожик хонандаси (лирикдраматик тенор). Халқ артисти (1971). Таниқли мақом билимдони Бобоқул Файзуллаевнинг ўғли. Тожик опера ва балет театри (1954—56, 1966 — 81), Тожик Давлат филармонияси (1956— 66) яккахони, Тожикистон телерадиоси мақом ансамблининг бадиий раҳбари (1973—81). М. Турсунзода номидаги Санъат ин-тида ўқитувчи, хонандалик кафедраси мудири (1967 — 76), проф. (1977 й. дан). Асосий партиялари: Каварадосси (Ж. Пуччини, «Тоска»), Канио (Р. Леонкавалло, «Паяцлар»), Хуршид, Модан (3. Шоҳидий, «Душанбалик қиз», «Комде ва Модан»), Рудакий (Ш. Сайфиддинов, «Рудакий»), Водемон (П. Чайковский, «Иоланта») ва б. «Самарқанд Ушшоғи», «Дугоҳ», «Қашқарчаи Мўғулчаи Дугоҳ», «Ироқ» ва б. ашула йўлларининг ҳам моҳир ижрочиси. Ўзбекистонда тожик адабиёти ва санъати декадалари (1957, 1968), Халқаро мусиқашунослик анжуманлари (Самарқанд, 1978, 1983) концертларида қатнашган. Рудакий номидаги Тожикистон Давлат мукофоти лауреати (1966).

Loading...