БОС

БОС (Bose) Жагдиш Чандра (1858.30.11, Бенгалия — 1937.23.11, Гиридих, Бенгалия) — ҳинд физиологи ва биофизиги. Калькутта президент коллежи проф. Ҳозир унинг номи билан аталадиган Калькутта и. т. институти (1917) асосчиси ва директори. П. Н. Лебедев билан бир вақтда мм ва см диапазонли электромагнит тўлқинли генератор конструкциясини ишлаб чиққан; генератор ёрдамида электромагнит тўлқинлари хусусиятлари ва уларнинг ўсимликларга таъсирини ўрганган. Бу тадқиқотлар ёруғликнинг электромагнитлик хусусиятини тасдиклаш учун асос бўлган.