БОШ ОҒРИҒИ

БОШ ОҒРИҒИ — бошда оғриқ сезиш; турли хасталикларнинг энг кўп учрайдиган белгиларидан бири. Бош ёки мия пардалари ва томирларидаги нерв охирларининг таъсирланиши туфайли келиб чиқади. Қаттиқ чарчаш, шамоллаш, асабийлашиш ҳолатлари, бурун ёндош бўшлиқларининг касалликлари, гипертония, мияда қон айланишининг бузилиши ёки унда ўсма пайдо бўлиши, юқумли касалликлар, ички аъзолар касалликлари, заҳарланиш ва б. Б. о. га сабаб бўлади. Томирлар касалликларида бош ўқтинўқтин оғриб, киши каттик чарчаганда, спиртли ичимликлар ичганда, кўп чекканда, шунингдек шовқинсурон, нохуш ҳид, равшан ёруғлик таъсир этганда кучаяди. Гипертония касаллиги б-н оғриган беморлар ухлаб турганидан кейин бошида оғирлик сезади ва энсаси тортишиб оғрийди. Одатда, шамоллатилган хонада ухлаганда ва эрталаб енгил машқлар килганда оғриқ камаяди. Мигрень Б. о. нинг бир шакли бўлиб, унда бошнинг ўнг ёки чап ярми тутибтутиб оғрийди. Остеохондроза» бош мускуллари таранглашганда, иш вактида, ўқиганда бошни нотўғри тутиш натижасида бўйин мускуллари зўриқиши оқибатида ҳам бош оғрийди. Хира ёруғда ўқибёзганда кўзга зўр келиши, кўз касаллиги, мас, глаукома ҳам Бош оғриғига сабаб бўлиши мумкин. Доим бош оғриб турса, бемор синчиклаб текширилиши ва Бош оғриғи сабаби аниқлангандан сўнг врач назоратида даволаниши лозим.