БОСПОР ПОДШОЛИГИ — Қора денгизнинг шим. соҳилидаги қулдорлик давлати (мил. ав. 5-а. — мил. 4-а.). Мил. ав. 480 й. ларда Керчь, Тамань я. о. ларидаги юнон шаҳарларининг бирлашуви натижасида вужудга келган. Пойтахти — Пантикапей (ҳоз. Керчь), бундан ташқари Фанагория, Гермонасса (ҳоз. Тамань), Феодосия, Нимфей каби йирик шаҳарлари бўлган.
Боспор подшолигини дастлаб юнон сулолаларидан бўлган археанактидлар (мил. ав. 480 — 438), кейин — юнонмаҳаллий спартокийлар ( мил. ав. 438—109) сулоласи бошқарган. Бу давлатнинг иктисодий ва маданий жиҳатдан энг юксалган даври мил. ав. 4—3-а. ларга тўғри келади. Юнонистон ва Кичик Осиёга галла, корамол, бал и қ, тери, қуллар савдога чиқарилган, бу мамлакатлардан эса вино, зайтун мойи, сопол ва металл буюмлар, газмол олинган. Боспор подшолиги хўжалигида деҳқончилик, чорвачилик, балиқчилик ва ҳунармандчилик тараққий этган. Мил. 4-а. охирида Боспор подшолиги гуннлар томонидан тугатилган.