БЎЗ — Андижон вилоятидаги шаҳарча (1983 й. дан). Бўз туманиннт маркази. Аҳолиси 11,7 минг киши (1999). Бўз қадимги қишлоқлардан бўлиб, 1950 й. гача Насриддинбек деб аталган. Бўзда 2 саноат корхонаси (пахта тозалаш з-ди ва «Зафар» акциядорлик жамияти), автокорхона, автоколонна, электр ва почта алоқаси корхоналари, 3 механизациялашган кўчма колонна, 2 курилиштаъмирлаш ва йўл таъмирлаш бўлими фаолият кўрсатади. Пед. ва тиббиёт билим юртлари, ҳунар лицейи, маданият саройи, болалар кутубхонаси, стадион, болалар ва ўсмирлар спорт мактаби, 365 ўринли касалхона, поликлиника бор.