БРАУН (Braun) Герберт Чарлз (1912. 22.5, Лондон) — Америка кимёгари. АҚШ Миллий ФА аъзоси (1957 й. дан). Асосий тадқиқот ишлари бор кимёсига оид. Диборанни синтез килишнинг оддий усулини ишлаб чиққан. Тўйинмаган органик бирикмаларни гидроборирлаш реакциясини кашф этган (1959). Триметилбор ёки диборан ҳосилаларининг аминга қўшилишини тадқиқ қила туриб, молекуладаги стерик кучланишнимикдорий усулда ўрганиш назариясига асос солган. Америка санъат ва фан академияси аъзоси (1966 й. дан), Нобель мукофоти лауреати (1979, Г. Виттиг билан ҳамкорликда).