«БРИТИШ СКАЙ БРОДКАСТИНГ» (БиСкайБи) (British Sky Broadcasting — BSkyB) — Европадаги сунъий йўлдош орқали телекўрсатувлар берувчи энг йирик хусусий компаниялардан бири. 1990 й. да К. Р. Мёрдокнинг «Скай Телевижн» (Sky Televisione) компанияси билан «Бритиш Сателлайт Бродкастинг» (British Satellite Broadcasting) консорциуми қўшилиши натижасида ташкил бўлган. Лондонда жойлашган. Ғарбий Европа учун инглиз тилида 6 канал (оммавий кўнгил очар томошалар, комедиялар, спорт кўрсатувлари, янгиликлар; кинофильмлар — 2 канал) да кўрсатувлар беради.