БРИТТЛАР — кельт қабилаларидан бири. Мил. ав. 8 — мил. 5-а. ларда Британиянинг асосий аҳолиси. Бриттлар англосакслар томонидан бўйсундирилиб (5—6-а. лар), бир қисми қириб ташланган, бир кисми Уэльс, Шотландия ва Галлиядаги Арморика я. о. га кўчирилган ва бу ер Бретань деб атала бошланган. Британияда қолган қисми инглиз миллатининг шаклланишида муҳим роль ўйнаган. «Британия» атамаси Бриттлардан олинган.