БРОВЦИН Борис Васильевич

БРОВЦИН Борис Васильевич (1903. 20.9, СанктПетербург — 1987.15.1, Тошкент) — рус композитори. Ўзбекистонда хизмат кўрсатган санъат арбоби (1973). Ленинград консерваториясини тугатган (1932). 1939 й. дан Ўзбекистон радиоси симфоник оркестрининг бош дирижёри. Асосан чолғу ва мусиқали театр учун асарлар яратган. Симфоник оркестр учун «Фарғона сюитаси» (Ю. Ражабий билан ҳамкорликда), «Р. Зорге хотирасига» симфоник поэма, симфония, скрипка ва оркестр учун концертлар муаллифи. У узбек мусиқа мероси ва бастакорлар ижодига хос оҳангларига таяниб, «Тоҳир ва Зуҳра» (Т. Жалилов б-н, 1951, 3таҳрири 1968), «Даҳшатли кунларда» (1984) опералари ва «Семурғ» балетини яратган.