БУЛАТОВ Митхат Сагадатдинович

БУЛАТОВ Митхат Сагадатдинович (1907.18.4, Тобольск) — меъмор, тадқиқотчи. Ўзбекистонда хизмат кўрсатган бинокор (1970). Меъморлик д-ри (1974). Ленинград муҳандислик қурилиш ин-тини битирган (1934). 1937 й. Тошкентга келиб, шаҳардаги кўпгина маъмурий, турар жой биноларини лойиҳалашда қатнашган. Тошкент ш. бош меъмори (1940—64). Ўзбекистон Меъморлар уюшмаси бошқарувининг раиси (1955—64). 1964 й. дан Ҳамза номидаги Санъатшунослик и. т. институтида илмий ходим, замонавий меъморлик бўлими мудири (1967— 91). Самарқанд (1937—38), Фарғона, Қўқон, Когон. Янги Урганч (1938—39), Тошкент (1952—54)ни реконструкция қилиш бош режаси муаллифи. Асосий ишлари: «Пахтакор» стадиони (1953—57), «Тошкент» меҳмонхонаси (1955—57), Самарқанддаги Навоий ва Жомий ҳайкали (1970, ҳамкорликда), Самарқанддаги Улуғбек расадхонасини қайта тиклаш лойиҳаси (1981, А. Асанов б-н) ва б.

Ас: Геометрическая гармонизация в архитектуре Средней Азии IX—XV вв., М., 1978.