БУЗУҚЛИК (машинасозликда) — техник қурилмаларнинг лоақал битта ёки қўшимча параметрлари белгиланган техник ҳужжатларда кўрсатилган талабларга мое келмайдиган ҳолати. Ишламай қолишлик ёки шикастланиш натижасида қурилма Бузуқлик ҳолатига ўтади. Асосий параметрлардан камида биттаси рухсат этилган чегарадан чиққанда қурилманинг шикастланиши натижасида у фақат қўшимча параметрлар бўйича техник талабларга мое келмайдиган бўлса, қурилма ишлаш қобилиятини йўқотмаслиги ҳам мумкин. Mac, радиоприёмникнинг асосий параметрлари берилган чегарада бўлиб, шкалани кўрсатадиган лампочкаси куйса, у ишлайверади. Бузуқлик таъмирлаш (тузатиш) орқали бартараф қилинади.