ДАВЛАТОВ Соли Болтабоевич

ДАВЛАТОВ Соли Болтабоевич (1932.23.9, Хоразм вилояти Ҳазорасп тумани) — хужжатли кино реж. Ўзбекистонда хизмат кўрсатган санъат арбоби (1982). 1965—93 й. лар Ўзбекистон ҳужжатли ва илмий-оммавий фильмлар киностудиясида реж. Фаолиятини ҳаваскор сифатида бошлаб, «Аму соҳилида» ҳужжатли фильмини (1964, Республика кўригида 1-ўрин берилган) суратга олган. Энг яхши фильмлари: «Икки орден», «Жон Андижоним», «Ўзбек атласи», «Чириётган хотира», «Беруний», «Ал-жабр — алгебра», «Ҳамид Олимжон», «Сурхон тонги» (Рига кинофестивалида Бош соврин олган, 1985), «Ерга меҳр», «Наврўз келганда», «Йўқотгач, куюнамиз» ва б.

Loading...