ДЕКАН МАДАНИЯТИ — Ҳиндистон даги илк деҳқончилик ёдгорликлари (мил. ав. 2-минг йиллик). Ҳинд олимлари Декан маданиятини 3 археологик мажмуа (Аҳор, Жорва ва Навдатоли)га бўлиб ўрганган. Мажмуалар топилмалардаги нақшлари хусусиятлари билан бир-биридан фарқ қилади. Қабилаларнинг хўжалик қаётида деҳқончилик ва чорвачилик асосий ўринни эгаллаган. Жез ва мисдан ясалган болта, ханжар, ранда, зеб-зийнат буюмлари, идишлар кўп тарқалган. Жорва ва Навдатоли мажмуасида чақмоқ тошдан ишланган геометрик шаклли қуроллар (қирғич, сегмент, трапеция, тахтача ва б.) ҳам мавжуд. Сопол идишлар кулолчилик чархлари ёрдамида тайёрланган. Металл ишлаш устахоналарининг қолдиқлари бор. Д. м. қабилалари Хараппа маданиятита мансуб аҳоли билан иқтисодий ва маданий алоқада бўлганлар.