ДИРАК (Dirac) Поль Адриен Морис (1902.8.8, Бристоль — 1984) — инглиз назариётчи физиги, квант механика асосчиларидан бири. Лондон Қироллик жамияти аъзоси (1930 й. дан). Бристоль (1921) ва Кембриж (1926) ун-тларини тамомлаган. Квант электродинамика ва гравита-циянинг квант назариясига асос солган. Илмий ишлари квант механика ва квант электродинамикага, майдон ва элементар зарралар назариясига, гравитация назариясига дойр. Квант статистика (Ферми—Дирак статистикаси)ни ишлаб чиққан; иккиламчи квантлаш усулини таклиф қилиб, квант назарияси принципларини биринчи бўлиб электромагнит майдон учун татбиқ этган (1927), квант майдоннинг биринчи моделини топган; электроннинг квант механика назариясини нисбийлик назариясип мослаб ишлаб чиққан (1928), бу назарияга асосан позитрон топилган; табиатда антимодданинг мавжудлиги гипотезасини баён қилган (1933); 1962 й. да меон назариясини ишлаб чиққан (унда меон электроннинг тебраниш ҳолати сифатида ифодаланади). Нобель мукофоти лауреати (1933, Э. Шрёдингер билан ҳамкорликда).