ДИРИЖЁРЛИК (франц. diriger – йўналтириш, бошқариш, раҳбарлик қилиш) — мусиқа ижрочилиги санъатининг мураккаб тури; мусиқа асарини ижрога тайёрлаш жараёнида қамда бевосита тингловчи — томошабинлар олдида ижрочилар (оркестр, хор, ансамбль, опера, балет жамоалари ва б.) га рақбарлик қилиш. Одатда бир (баъзан, икки) дирижёр томонидан амалга оширилади. Дирижёрлик жамоавий мусиқа ижросининг уйғунлиги, бадиий ва техник му-каммаллигини таъминлайди. Кўп овозли мусиқа мураккаблашуви ва оркестр ижрочилигининг ривожи натижасида 15-а. 1-ярмида юзага келиб, уни амалиётга И. Мозель (Австрия), К. М. Вебер ва Л. Шпор (Германия)лар киритган. Л. Бетховен, Г. Берлиоз, Р. Вагнерлар Дирижёрлик санъати асосчиларидан. Халқаро эътибор қозонган биринчи дирижёр X. фон Бюлов (Германия) бўлган. 19-а. охири — 20-а. бошларида чет эл Дирижёрлик санъати усталари сифатида X. Рихтер, А. Никиш (Венгрия), Ф. Вейнгартнер ва Р. Штраус (Германия), Г. Малер (Австрия), М. Балакирев, А. ва Н. Рубинштейнлар, С. Рахманинов, С. Кусевиц-кий (Россия) ва б. танилган. Кейинги даврда Г. фон Караян (Австрия), Л. Стоковский, Ю. Орманди, Л. Бернстайн (АҚШ), Б. Вальтер, В. Фуртвенглер, О. Клемперер (Германия), А. Тосканини (Италия), Е. Мравинский, А. Мелик-Пашаев, Е. Светланов, Г. Рождественский (Россия), Ш. Мюнш (Франция), К. Анчерл (Чехия) ва б. Д. соҳасида катта ижодий ютукларга эришган.
Ўзбекистонда илк дирижёрлар орасида Ф. В. Лейсек, Н. Миронов, В. Успенский ва б. бўлган. Ўзбек давлат филармонияси, Навоий номидаги опера ва балет театри, Муқимий номидаги ўзбек мусиқали драма театрида симфоник оркестрлар ташкил этилгач, Н. Олимов, А. Козловский, М. Ашрафий, Б. Иноятов, М. Насимов, Т. Содиқов, Ф. Шамсутдинов, А. Абдуқаюмов, Д. Абдураҳмонова, 3. Ҳақназаров, Ғ. Тўлаганов, Н. Халилов, Ҳ. Шамсутдинов, Б. Расулов ва б. дирижёрлар етишиб чикди. Республикамизда хор (С. Валенков, А. Султонов, Б. Умиджонов, А. Ҳамидов ва б.), ўзбек халқ чолғулари оркестри (Т. Жалилов, А. Петросянц, С. Алиев, Д. Зокиров, М. Бафоев), 1970-й. лардан камер оркестр (Э. Азимов ва б.) дирижёрлиги ҳам ривож топди. Ўзбекистан миллий консерваториясида операсимфоник ва ўзбек халқ чолғу оркестри дирижёрлиги синфлари мавжуд.
Ад.: Азимов К., Ўзбекистан дирижёрлари, Т., 2001.
Тўхтасин Ғофурбеков.