ДИЗАК — Жиззах ш. нинг ўрта аср тарихий манбаларида юритилган номи. «Кичик қалъа» мазмунини беради. 10-а. да Д. Факнон рустоқининг текисликда жойлашган шахри бўлиб, катталиги жиҳатдан Уструшонанинг 3-шаҳри бўлган (Панжикент ва Зоминдан кейин). Дизак ислом ғозийлари тўпланадиган ер сифатида машҳур бўлиб, улар учун бу ерда кўплаб меҳмонхона ва работлар қурилган. Дизакдан бир фарсах (6—7 км) узоқликда Афшин томонидан қурилган Худойсар работи манбаларда қайд этиб ўтилган.