ДОВЖЕНКО Александр Петрович

ДОВЖЕНКО Александр Петрович (1894.11.9, Чернигов вилояти, Сосни-ци қишлоғи — 1956.25.11, Москва) — кинорежиссёр, ёзувчи, сценарийчи. Кинематография асосчиларидан. Халқ артисти (1950), Украинада хизмат кўрсатган санъат арбоби (1950). Дастлабки фильмлари — «Дипкурьер сумкаси», «Звенигора» катта муваффақият қозонди. «Арсенал», «Ер» фильмлари жаҳон экранларида ҳам шуҳрат қозонди. Довженконинг илк овозли фильми «Иван», шунингдек, «Аэроград», «Шчорс» бадиий фильмлари, «Халоскорлик» каби хужжатли — публицистик ва «Мичурин» бадиий фильмлари кино санъати тараққиётида муҳим роль ўйнади. «Гулдаги ҳаёт» пьесаси ва «Денгиз ҳақида достон», «Сеҳрланган Десна» каби сценарийлар, анчагина ҳикоя, очерклар, кино тарихи ва назариясига оид мақолалар ҳам ёзган. 1957 й. Киев киностудиясига Довженко номи берилган.