ДУШАН ФАЙЗИЙ

ДУШАН ФАЙЗИЙ (1927.5.2, Кизилтепа тумани) — шоир ва драматург. Ўзбекистонда хизмат кўрсатган санъат арбоби (1977). 2-жаҳон уруши катнашчиси. Самарқанд ун-тининг филология ф-тини тугатган (1952). Ўзбекистан Ёзувчилар уюшмаси Самарқанд вилояти бўлими котиби (1957—72), Самарқанд вилояти телевидение ва радиоэшиттириш қўмитаси раиси (1972—77), СамДУ проректори (1977 — 94), «Имом ал-Бухорий» Халқаро хайрия жамғармасининг раиси ўринбосари (1996 й. дан). Ижоди 2-жаҳон уруши йилларида бошланган. «Туғилган куним» (1957), «Қалбим сеники» (1961), «Наво» (1965), «Ёр хаёли» (1967), «Онаизор» (1969), «Буюклик» (1970), «Самарқанднома» (1973), «Севгилим» (1980) ва б. шеърий тўпламлар муаллифи. «Зарафшон қизи» (1961), «Биринчи учрашув», «Келин келди» (1964), «Қорасоч» (1966), «Ғазал ва муҳаббат» (1968), «Ўн етти ёшлилар» (1972) ва б. сақна асарларида хотин-қизларнинг меҳнат жасорати, ёшлар ҳаёти ёритилган. Душан Файзийнинг «Дўстлик қўшиғи» (1968), «Асрим монологи» (1969), «Ургут қасидаси» (1994), «Те-мурнома» (1996) достонлари, «Имом ал-Бухорий» (1998) шеърий романи бор. «Дўстлик» ордени б-н мукофотланган (1997).

Ас: Танланган асарлар. Т., 1976; Сайланма, 1-жилд, Самарқанд, 1997.