ЭЛИТИС Одисеас (тахаллуси; асл исми Алепуделис) (1911.2.11, Крит ороли) — грециялик шоир. Афина ун-тининг ҳуқуқшунослик фтида ўқиган (1930— 35). Дастлабки шеърлари демотика — жонли мулоқот тилида ёзилган. Ёшлик ва нурафшонликнинг ҳиссий^дунёси куйланган «Қуёш подшоҳи» (1943) асари Элитисни шодлик ва руҳий соғломлик куйчиси, ўз даврининг кўзга кўринган лирик шоири сифатида элга танитган. 2-жаҳон уруши қатнашчиси. Уруш даврида орттирган тажрибаси асосида «Албан кампаниясида ҳалок бўлган кичик лейтенантга бағишланган ва ғамгинлик қўшиғи» (1943) номли асари дунёга келган. Асар сюрреалистик услубда ёзилган бўлиб, уруш даври Греция ёшлари орасида кенг шуҳрат қозонган. Элитис урушдан сўнг Афина радиосида ишлаган. 1948 йил Парижга бориб, Сорбонна унтида адабиётдан сабоқ олган, шунингдек, тасвирий санъат ва санъатшунослик билан қизиққан, мақолалар ёзган. Грецияга қайтиб, яна радиода ишлаган. «Мария Нефели» достони (1978) машҳур. Нобель мукофоти лауреати (1979).