ЭНДОКАРДИТ — эндокардштт яллиғланиши. Одатда, миокарднинг яллиғланиши (эндомиокардит) билан бирга кечади. Келиб чиқишига кўра, ревматизм (ревматик Эндокардит) ва сепсис (септик Эндокардит), шунингдек, захм, сил ва шикастланиш оқибатида ривожланадиган Эндокардит фарқланади. Эндокардитда кўпинча юрак клапанлари (миокард инфарктида) зарарланиб, функцияси ўзгаради, бу юрак порокларита олиб келади. Эндокардитнинг турли шаклларида юрак клапанлари турлича (мас, ревматик Эндокардитда митрал клапан; септик ва захм Э. ида аортал клапан) зарарланади.
Эндокардит ўткир, баъзан хавфли, ўртача ўткир, сурункали кечади. Касалликнинг клиник белгилари унинг этиологиясига боғлиқ. Ревматик Эндокардит аста-секин бошланади, лоҳаслик, толиқиш, бир оз ҳарорат кўтарилиши, юрак уришининг тезлашуви ва шу соҳада нохуш оғриқ кузатилади; аускультация чоғида юракда ўзига хос шовқин эшитилади, пульс тезлашади.
Септик Эндокардитда дастлаб салгина ҳарорат кўтарилади, кейинчалик шамоллаш аралаш қаттиқ иситма тутади; тери рангсизланади, кўп терлаш, қамқонлик аломатлари кузатилади; эритроцитларнинг чўкиш тезлиги ортади, пульс тезлашади, юрак ўлчамлари кенгаяди, юракда шовқин, аортал етишмовчилик вужудга келади. Септик Эндокардитда эмболия, буйрак, мия томирларининг зарарланиши ва бошқалар асоратлар ривожланиши мумкин.
Даво касалликнинг шакли, кечиши ва белгиларига қараб тайинланади.
Олдини олиш. Эндокардитга сабаб бўладиган касалликлар (ревматизм, ангина ва бошқалар)ни ўз вақтида даволашдан иборат.