ФАРҒОНА КИМЁВИЙ ТОЛАЛАР ЗАВОДИ — кимё саноатининг йирик корхонаси. «Ўзкимёсаноат» давлатакциядорлик компанияси таркибида, давлат корхонаси мақомига эга. Диацетатцеллюлоза, ацетон ва капролактамдан тўқимачилик ва трикотаж саноати учун яхлит ацетат иплар, полиамид6 гранулалари, полиамид иплар, автомобиль шиналари корди қопламаси ишлаб чиқаради.
Корхона 1969 й. дан ацетат иплари и. ч. йўналишида ишга туширилган. 1998 й. да пластмасса, колбаса пусти, автомобиль ғилдираклари учун шина, резинатехника асбоблари ишлаб чиқаришда қўлланиладиган полиамид гранулалари и. ч. цехида Германия ускуналари ўрнатилди. Маҳсулотлари Жан. Шарқий Осиё мамлакатлари, Россия, Туркия, Португалияга экспорт қилинади.