ФРИШ (Frisch) Рагнер Антон Киттиль (1895.3.3 Осло 1973.31.1) норвег иқтисодчиси, Норвегия ФА аъзоси (1931). Осло ш. даги ун-тда ўқиган. Осло ун-ти ҳузуридаги Иктисодиёт ин-ти директори (1931—1965); Йель (1930), Сорбонна (1933) ун-тларида иқтисодиёт бўйича лекциялар ўқиган. Иқгисодий назарияда математик йўналиш вакили. Эконометрика асосчиси, биринчилардан бўлиб макро ва микроиқтисодий тахлил соҳалари чегараларини кўрсатди, иқгисодий жараёнларни таҳлил қилишда қўлланиладиган иктисодий циклнинг динамик моделини яратган. Иқгисодийматематик программалаштириш усулларидан фойдаланган ҳолда иқтисодий режалаштиришда қарорлар қабул қилиш моделини ишлаб чиқци. Фриш таклиф этган иктисодий ўсиш усуллари ва моделлари, шунингдек, миллий ҳисобларнк тузиш тартиблари Норвегия ва б. мамлакатларнинг бюджет, статистика органлари фаолиятида кенг қўлланилган. Иқгисодиёт соҳасидаги биринчи Нобель мукофоти лауреатларидан бири (Я. Тинберген билан бирга, 1969).