ФЁДОРОВА Полина Ивановна

ФЁДОРОВА Полина Ивановна (1906. 30.9, Москва вилояти Лермонтово қишлоғи) — эндокринолог. Ўзбекистонда хизмат кўрсатган фан арбоби (1971), тиббиёт фанлари дри (1962), проф. (1965). Ўрта Осиё ун-тининг тиббиёт ф-тини тугатган (1928). Тошкент вилояти ва Самарканд ш. касалхоналарида участка врачи (1928—32), Тош ТИ госпиталь терапия кафедрасида ординатор (1932—35), ассистент (1936 — 42), доцент (1943), ТошТИ стоматология фти ички касалликлар кафедраси мудири (1965—72), даволаш фти госпиталь терапия кафедрасининг эндокринология курси раҳбари (1972 — 77), 1977 й. дан эндокринология кафедраси мудири. Илмий ишлари эндокринология масалаларига оид. Иссиқ иқлим шароитида Базедов касаллигининг кечиши, унинг олдини олиш ва даволаш устида тадқиқот олиб борган.

Ас: Вопросы климатофизиологии, Т., 1939; Межуточногипофизарные заболевания и орган зрения (в соавторстве), Т., 1971.