ГАБРИЕЛЬ (Gabriel) Жак Анж (1698.27.10 – Париж – 1782.4.1) – француз меъмори. 18-а. классицизм асосчиларидан бири. 1742 й. дан қиролнинг биринчи меъмори ва меъморлик академиясининг президенти. Габриель лойиҳаси асосида қурилган бинолар аниқ ва ёрқин шаклдалиги, безакларининг нафислиги б-н ажралиб туради [Версалдаги Кичик Трианон (1762—64), Париждаги Людовик XV майдони (ҳоз. Тотувлик майдони) лойиҳаси ва қурилиши (1753—75) ва б. нинг муаллифи].