ГЕНОТИП (ген ва юн. typos — из, шакл) — муайян организм хромосомалари ва цитоплазмасидаги барча генлар мажмуи. «Генотип» терминини фанга даниялик биолог В. Йогансен киритган (1909). Г кенг маънода организм хромосомаларидаги, шунингдек хромосомалардан ташкари (цитоплазма ва пластида)даги генларни ҳам қамрайди. Генотип ўзаро таъсир кўрсатадиган генларнинг ягона системаси ҳисобланади ва ундаги ҳар бир геннинг функционал фаолияти генетик муҳитга боғлиқ. Генотип организм муҳити билан ўзаро таъсирга киришиб, белгининг фенотипик намоён бўлишини таъминлайди. Мас, ғўзанинг антоциан рангини Rp — гр гени (инглиз. Red plant — қизил рангли ўсимлик) назорат қилади (қ. Антоцианлар). Бу белгининг фенотипик намоён бўлишига гендан ташқари ташқи муҳит омиллари, жумладан қуёш нури ҳам таъсир кўрсатади. Ёритилганлик даражасига қараб бир хил Генотип ли (Rp Rp) ўсимликларда белгининг фенотипик намоён бўлиш даражаси турлича бўлиши мумкин. Демак, Генотип организм реакция нормалари ирсийланишини белгилайди. Генотип тор маънода фақатгина организмдаги маълум бир белги ривожланишини назорат қилувчи генлар гуруҳини ёхуд айрим генларни билдиради. Мас, ғўзада Генотип симподия типлари бўйича SS, Ss (чекланмаган), ss (чекланган); барг шакли бўйича — 0101 (кертикли), 01 ol (оралиқ шаклда), ol о! (четлари текис оддий шаклда) кўринишида белгиланади. Ҳар икки белги бўйича эса Генотип — SS0101, ss ol ol, ss 0101 ва б. шаклларда ифодаланади.
Шарифжон Турабеков.