ГЕРБЕРТ МАЯТНИГИ — металларнинг қаттиқлигини аниқлайдиган асбоб. 1923 й. да инглиз конструктори Герберт ясаган (номи шундан). Иши таянч нуқтаси синаладиган намуна сиртига ўрнатилган махсус ёйсимон маятникнинг ҳар 10 марта тебраниш даврини ёки биринчи эркин тебраниш бурчагини ўлчашга асосланган. Маятникнинг оғирлиги 2—4 кг, таянч нуқтаси учига диаметри 1 мм ли шарча ўрнатилади. Синаладиган металл қанча қаттиқ бўлса, маятникнинг тебраниш даври (ёки бурчаги) шунча катта бўлади.