ГИС ТУТАМИ (немис олими В. Гис номидан) , Гистовар тутами, атриовентрикуляр тутам — юрак ўтказувчи системасининг бир қисми. Юракнинг бўлмача билан қоринчаси оралиғида (ўнг бўлмача деворида) жойлашган. Гис тутами орқали бўлмачаларнинг қисқариш тўлқинлари қоринчаларга ўтади. Шундай қилиб, юракнинг ўтказиш йўли юрак бўлмачалари билан қоринчалар ўртасида қисқариш (систола) ва бўшашиш (диастола) ритмини тартибга солиб туради.