ГОЛЛАНДИЯ УРУШИ (1672-78) – Франция билан Голландия республикаси ўртасидаги уруш. Уруш Франциянинг ташаббуси билан бошланган; Францияга Англия (1674 й. гача) ва Швеция иттифоқбўлишган. Голландияга эса 1673—74 й. лардан кейин «Муқаддас Рим империяси», Испания, Дания давлатлари қўшилган. Уруш охирларида Франция бир неча марта мағлубиятга учраган, лекин (1678—79 й. лардаги Нимвеген сулҳ битимларига кўра) бир қанча ҳудудларни (жумладан Испаниядан Франш-Контени олган) сақлаб қолиб Европадаги ўзининг ҳукмрон мавқеига путур етказмаган.