ГОРОВИЦ (Horowitz) Владимир Самойлович [1904.18.9(1.10), Украинадаги Бердичев ш, — 1989, Нью-Йорк] — америкалик пианиночи. 20-а. нинг машҳур виртуоз ижрочиларидан. Киев консерваториясини тамомлаган (1921). 1925 й. дан чет эл (1928 й. дан Нью-Йорк)да яшаган. Ижро услубига табиий жўшқинлик, моҳирона техника билан биргаликда руҳий кўтаринкилик, жозибали нафислик хос. Репертуаридан Ф. Шопен, Ф. Лист, П. Чайковский, С. Рахманинов, А. Скрябин, С. Прокофьев ва б. композиторларнинг асарлари ўрин олган.