ГОССЕК

ГОССЕК (Gossec) Франсуа Жозеф (1734.17.1, Бельгиядаги Верньи ш, — 1829.16.2, Пасси, Париж ёнида) — француз композитори, дирижёр, педагог. Француз симфонияси, Миллий мусиқа ин-ти (1795 й. дан консерватория) асосчиси, Франция ин-ти (академияси) аъзоси (1795 й. дан). 1816 й. гача Париж консерваториясининг бош инспектори ва проф. 29 симфония, 20 дан ортиқ опера, бир неча оратория, месса, квартет, пуфлама созлар оркестри учун асарлар (жумладан, 3 симфония) ва б. муаллифи. Буюк Француз инқилоби ғоялари таъсири остида янги мусиқа жанри (оммавий қўшиқ, мотам марши), услуб ва ижро турлари (йирик, улуғвор вокалсимфоник асарларни катта майдонларда оммавий тарзда ижро этиш) ни кашф этган, мусиқа таълими тизимини ислоҳ қилган.