ГРАНД-ОПЕРА

«ГРАНД-ОПЕРА» (франц. Grand Opera — катта опера) , Мусиқа в а рақс миллий академияси — Париждаги давлат опера ва балет театри. Европа мусиқали театр маданиятининг йирик марказларидан. 1669 й. да «Қирол мусиқа академияси» номида ташкил топган. 1875 й. дан ҳоз. номда. Театрнинг тарихи француз опера ва балет санъатининг юзага келиши ҳамда ривожланиши билан узвий боғлиқ. 17—18-а. ларда «Г.-о.» заминида лирик фожиа ҳамда опера-балет каби миллий мусиқали театрнинг турлари (Ж. Люлли, Ж. Рамо ва б.), 19-а. бошида «катта опера» жанри (Д. Обер, Ж. Россини, Ж. Мейер-бер) қарор топган. 20-а. да «Г.о.» театри репертуаридан мумтоз опера ва балетлар билан бирга замонавий композиторлар (Р. Штраус, И. Стравинский, М. Равель, А. Онеггер, Ф. Пуленк, А. Берг, С. Прокофьев ва б.) асарлари кенг ўрин олган. «Г.-о.»да Франция ва Европанинг етакчи хонандалари (М. Малибран, П. Виардогарсиа, Ж. Гризи, А. Патти, Э. Карузо, Ф. Шаляпин, М. Каллас, Т. Гобби ва б.), раққос ва раққосалари (М. Тальони, К. Гризи, А. Павлова, В. Нижинский), балетмейстерлари (Ж. Новер, Л. Петипа, С. Лифарь, М. Бежар), дирижёрлари (Э. Колонн, П. Монтё, Ш. Мюнш) фаолият курсатган. Ҳоз. биноси 1875 й. да қурилган, 1936 й. да қайта таъмирланган. Томоша зали 2130 ўринли, ички безаклари ниҳоятда ҳашаматли ва кўркам. «Г.о.» артистларидан Франческо ва Патрис Бартлар Навоий номидаги опера ва балет театри спектаклларида қатнашган (1970, А. Адан, «Жизель»; П. Чайковский, «Оққуш кўли» ва б.).

Loading...